ആറ്റുകാല്‍ പൊങ്കാല പാതയോരത്ത് നടത്തി എന്നതിന്റെ പേരില്‍ കേസെടുത്ത നടപടിയെ കമ്മ്യൂണിസ്റ്റ്‌ പാര്‍ട്ടി എന്തിനു എതിര്‍ക്കുന്നു എന്ന് ചില അതിയുക്തിവാദ ചിന്തയുള്ളവര്‍ ചോദിക്കുന്നതായി കാണുന്നു. ഇവിടെ കോടതി വിധിക്കും പോലീസ് നടപടിക്കും കാരണമായത്‌ അവര്‍ക്ക്‌ ആറ്റുകാല്‍ പൊങ്കാല എന്ന വിശ്വാസ ആചാരത്തോട് ഏതെങ്കിലും നിലക്ക് എതിര്‍പ്പ് ഉള്ളത്കൊണ്ടൊന്നുമല്ല എന്ന വസ്തുത നാം മനസ്സിലാക്കണം. വര്‍ഗീയതയെയും ഫാസിസത്തെയും ജാതീയമായ വിവേചനങ്ങളെയും കമ്മ്യൂണിസ്റ്റ്‌ പാര്‍ട്ടി ശക്തമായി എതിര്‍ക്കും. എന്നാല്‍ മാര്‍ക്സിയാന്‍ ദര്‍ശനത്തിനു ഒട്ടും യോജിപ്പില്ലെങ്കിലും, ജനങ്ങളുടെ വിശ്വാസ ആചാര സ്വാതന്ത്ര്യത്തെ കമ്മ്യൂണിസ്റ്റ്‌ പാര്‍ട്ടി മാനിക്കുന്നു.
.............................................................................................
യാന്ത്രികമായ കേവല യുക്തിവാദത്തിന്റെ മര്‍ക്കടമുഷ്ടിയോട് കമ്മ്യൂണിസ്റ്റ്‌ പ്രസ്ഥാനത്തിന് പലപ്പോയും വിയോജിക്കേണ്ടതായിവരും. മനസ്സില്‍ നന്മയുള്ളവര്‍ യുക്തിവാദികള്‍ മാത്രമാണെന്ന ചിന്ത വിശ്വാസികള്‍ മാത്രമേ നന്മയുള്ളവരായുള്ളൂ എന്ന മതമൌലിക ചിന്തപോലെ അസംബന്ധം ആണ്. യുക്തിവാദവും സമൂഹത്തിന്‍റെ വര്‍ഗ്ഗപരമായ നിലപാടും വേറിട്ട രണ്ടു മേഖലകള്‍ ആണ്. യുക്തിവാദികളില്‍ ഒരു വിഭാഗം കടുത്ത തൊഴിലാളിവര്‍ഗ്ഗ വിരുദ്ധ കമ്മ്യൂണിസ്റ്റ്‌ വിരുദ്ധ ചിന്താഗതി വെച്ച്പുലര്‍ത്തുന്നവരാണ്. അതേസമയം പ്രയോഗത്തിന്‍റെ മണ്ഡലത്തില്‍ കമ്മ്യൂണിസത്തിന്‍റെ സഹയാത്രികരായ കോടികണക്കിനു വിശ്വാസികള്‍ ലോകമെമ്പാടും ഉണ്ട്. മാത്രമല്ല ലാറ്റിന്‍അമേരിക്കയിലെ വിമോചന തത്ത്വശാസ്ത്രം പോലുള്ള മതപ്രസ്ഥാനങ്ങള്‍ വിപ്ലവപോരാട്ടങ്ങളില്‍ കമ്മ്യൂണിസ്റ്റ്‌ പ്രസ്ഥാനവുമായി കൈകോര്‍ക്കുന്നതിന്‍റെ അനുഭവങ്ങളും നമ്മുടെ മുന്നില്‍ ഉണ്ട്.
തികഞ്ഞ യുക്തിവാദികള്‍ക്ക് മാത്രമേ പ്രവേശനമുള്ളൂ എന്ന നിബന്ധന വെച്ചാല്‍ കമ്മ്യൂണിസ്റ്റ്‌ ദര്‍ശനത്തെ ആധാരമാക്കി രാഷ്ട്രീയ പ്രവര്‍ത്തനം നടത്തുന്ന കമ്മ്യൂണിസ്റ്റ്‌ പാര്‍ട്ടിക്ക് തൊഴിലാളി വര്‍ഗ്ഗത്തിന്റെ സുസംഘടിത പ്രസ്ഥാനമായി നിലകൊള്ളാന്‍ പറ്റില്ല. തൊഴിലാളി വര്‍ഗ്ഗത്തില്‍ മഹാഭൂരിപക്ഷവും ജന്മം കൊണ്ടും ജീവിത ചുറ്റുപാടുകള്‍ കൊണ്ടും വിശ്വാസികള്‍ ആണ്. . ഒറ്റ രാത്രികൊണ്ട് അവരുടെ മുഴുവന്‍ ബോധത്തെ വിപ്ലവകരമായി യുക്തിചിന്തയിലേക്ക് മാറ്റികളയാം എന്ന അപ്രായോഗിക ചിന്തയൊന്നും കമ്മ്യൂണിസ്റ്റ്‌ പാര്‍ട്ടികള്‍ക്കില്ല. നമ്മുടെ രാജ്യത്തും ലോകത്തും മഹാഭൂരിപക്ഷം ജനതയും വിശ്വാസത്തിന്റെ കുഞ്ഞാടുകള്‍ ആണ്. അവരെയാണ് ഒരു ബഹുജന പ്രസ്ഥാനം എന്ന നിലക്ക് കമ്മ്യൂണിസ്റ്റ്‌ പാര്‍ട്ടി അഭിസംബോധനം ചെയ്തു സംസാരിക്കുന്നതും സംവദിക്കുന്നതും.
സമൂഹത്തിലെ പൌരന്‍ എന്ന നിലക്ക് വിശ്വാസികള്‍ക്കുള്ള എല്ലാ അവകാശങ്ങളും വിശ്വാസത്തോട് യോജിക്കാത്ത യുക്തിവാദികള്‍ക്കും ഉണ്ടാവണം എന്നതാണ് കമ്മ്യൂണിസ്റ്റ്‌കളുടെ നിലപാട്. അതാണ്‌ മതേതരത്വത്തിന്‍റെ യഥാര്‍ത്ഥ സത്ത. വിശ്വാസത്തിന്റെ നാമത്തില്‍ ഒരു പാട് അന്ധവിശ്വാസങ്ങളും അനാചാരങ്ങളും അസംബന്ധങ്ങളും നമ്മുടെ സമൂഹത്തില്‍ ഉണ്ട്. വിശ്വാസരംഗത്തെ ഇത്തരം ജീര്‍ണ്ണതകളെ ശുദ്ധീകരിക്കുവാന്‍ വിശ്വാസികള്‍ക്ക് മാത്രമേ സാധിക്കൂ. വിശ്വാസികളുടെ അകത്തളത്തില്‍ നിന്നുണ്ടാവുന്ന ഏതൊരു പുരോഗമനപരമായ സമീപനത്തെയും ശബ്ദത്തെയും കമ്മ്യൂണിസ്റ്റ്‌ പ്രസ്ഥാനം പിന്തുണക്കും. അതേസമയം ഏതൊക്കെയാണ് ശരിയായ വിശ്വാസം, ഏതൊക്കെയാണ് തെറ്റായ വിശ്വാസം എന്ന് വിശകലനം ചെയ്യുക എന്നത് കമ്മ്യൂണിസ്റ്റ്‌പാര്‍ട്ടികളുടെ ജോലിയല്ല. മനുഷ്യത്തത്തിനും മാനവിക മോചനത്തിനും അവന്റെ അവകാശ സമരങ്ങള്‍ക്കും എതിരായ പ്രതിലോമ നിലപാട് മതങ്ങള്‍ പരസ്യമായി സ്വീകരിക്കുമ്പോള്‍ കമ്മ്യൂണിസ്റ്റ്‌ പാര്‍ട്ടികള്‍ അതിനെ ശക്തമായി എതിര്‍ക്കുകയും ചെയ്യും. എന്നും എവിടെയും മതസമുദായ പ്രസ്ഥാനങ്ങലോടുള്ള കമ്മ്യൂണിസ്റ്റ്‌ പാര്‍ട്ടിയുടെ നിലപാട് പ്രശ്നാധിഷ്ഠിതമാന്.
വിശ്വാസികള്‍ മഹാഭൂരിപക്ഷം ഉള്ള സമൂഹത്തില്‍ അവരുടെ വിശ്വാസപരമായ അവകാശത്തിനെതിരെ നിലപാട് സ്വീകരിക്കുക എന്നത് അപ്രായോഗികം മാത്രമല്ല, അത്തരം നിലപാടുകള്‍ കമ്മ്യൂണിസ്റ്റ്‌ പാര്‍ട്ടിക്കെതിരായ ആയുധമായി എതിര്‍ശക്തികള്‍ ഉപയോഗിക്കുകയും ചെയ്യും. അറിവും വായനയും ശാസ്ത്രീയമായ സാമൂഹിക നിരീക്ഷണങ്ങളും ആണ് ഒരാള്‍ കമ്മ്യൂണിസ്റ്റ്‌ ദര്‍ശന ബോധത്തിലേക്ക് കൂടുമാറുന്നതിനു പ്രേരണയാവുന്നത്. കാര്യകാരണ ബന്ധിതമായ യുക്തിചിന്തയാണ് ഒരു കമ്മ്യൂണിസ്റ്റ്‌കാരന്‍ വെച്ച് പുലര്‍ത്തുന്നത്. അതിന്റെ വെളിച്ചത്തില്‍ ആണ് അവന്‍ സാമൂഹിക ജീവിത സമസ്യകളെ വിശകലനം ചെയ്യുന്നത്. സ്വന്തം അവകാശ സമര പോരാട്ടവുമായി ബന്ധപ്പെട്ടു കമ്മ്യൂണിസ്റ്റ്‌ പ്രസ്ഥാനത്തിലേക്ക്‌ കടന്നു വരുകയും അതിനു ശേഷം പതുക്കെ യുക്തിബോധത്തിലേക്ക് വളര്‍ന്നു വരുകയും ചെയ്തിട്ടുള്ള സഖാക്കളും ഉണ്ട്. മനുഷ്യന്‍റെ ജീവിതത്തെയും അവന്റെ ബോധത്തെയും മുന്നോട്ടു നയിക്കുക എന്നത് തന്നെയാണ് കമ്മ്യൂണിസ്റ്റ്‌ പ്രസ്ഥാനത്തിന്‍റെ ദൌത്യം. വിപ്ലവകരമായ ഏതൊരു പോരാട്ടത്തിനും ഉര്‍ജ്ജം പകരുന്നത് മനുഷ്യന്‍റെ വിപ്ലവകരമായ ബോധമാണ്.
.............................................................................................
യാന്ത്രികമായ കേവല യുക്തിവാദത്തിന്റെ മര്‍ക്കടമുഷ്ടിയോട് കമ്മ്യൂണിസ്റ്റ്‌ പ്രസ്ഥാനത്തിന് പലപ്പോയും വിയോജിക്കേണ്ടതായിവരും. മനസ്സില്‍ നന്മയുള്ളവര്‍ യുക്തിവാദികള്‍ മാത്രമാണെന്ന ചിന്ത വിശ്വാസികള്‍ മാത്രമേ നന്മയുള്ളവരായുള്ളൂ എന്ന മതമൌലിക ചിന്തപോലെ അസംബന്ധം ആണ്. യുക്തിവാദവും സമൂഹത്തിന്‍റെ വര്‍ഗ്ഗപരമായ നിലപാടും വേറിട്ട രണ്ടു മേഖലകള്‍ ആണ്. യുക്തിവാദികളില്‍ ഒരു വിഭാഗം കടുത്ത തൊഴിലാളിവര്‍ഗ്ഗ വിരുദ്ധ കമ്മ്യൂണിസ്റ്റ്‌ വിരുദ്ധ ചിന്താഗതി വെച്ച്പുലര്‍ത്തുന്നവരാണ്. അതേസമയം പ്രയോഗത്തിന്‍റെ മണ്ഡലത്തില്‍ കമ്മ്യൂണിസത്തിന്‍റെ സഹയാത്രികരായ കോടികണക്കിനു വിശ്വാസികള്‍ ലോകമെമ്പാടും ഉണ്ട്. മാത്രമല്ല ലാറ്റിന്‍അമേരിക്കയിലെ വിമോചന തത്ത്വശാസ്ത്രം പോലുള്ള മതപ്രസ്ഥാനങ്ങള്‍ വിപ്ലവപോരാട്ടങ്ങളില്‍ കമ്മ്യൂണിസ്റ്റ്‌ പ്രസ്ഥാനവുമായി കൈകോര്‍ക്കുന്നതിന്‍റെ അനുഭവങ്ങളും നമ്മുടെ മുന്നില്‍ ഉണ്ട്.
തികഞ്ഞ യുക്തിവാദികള്‍ക്ക് മാത്രമേ പ്രവേശനമുള്ളൂ എന്ന നിബന്ധന വെച്ചാല്‍ കമ്മ്യൂണിസ്റ്റ്‌ ദര്‍ശനത്തെ ആധാരമാക്കി രാഷ്ട്രീയ പ്രവര്‍ത്തനം നടത്തുന്ന കമ്മ്യൂണിസ്റ്റ്‌ പാര്‍ട്ടിക്ക് തൊഴിലാളി വര്‍ഗ്ഗത്തിന്റെ സുസംഘടിത പ്രസ്ഥാനമായി നിലകൊള്ളാന്‍ പറ്റില്ല. തൊഴിലാളി വര്‍ഗ്ഗത്തില്‍ മഹാഭൂരിപക്ഷവും ജന്മം കൊണ്ടും ജീവിത ചുറ്റുപാടുകള്‍ കൊണ്ടും വിശ്വാസികള്‍ ആണ്. . ഒറ്റ രാത്രികൊണ്ട് അവരുടെ മുഴുവന്‍ ബോധത്തെ വിപ്ലവകരമായി യുക്തിചിന്തയിലേക്ക് മാറ്റികളയാം എന്ന അപ്രായോഗിക ചിന്തയൊന്നും കമ്മ്യൂണിസ്റ്റ്‌ പാര്‍ട്ടികള്‍ക്കില്ല. നമ്മുടെ രാജ്യത്തും ലോകത്തും മഹാഭൂരിപക്ഷം ജനതയും വിശ്വാസത്തിന്റെ കുഞ്ഞാടുകള്‍ ആണ്. അവരെയാണ് ഒരു ബഹുജന പ്രസ്ഥാനം എന്ന നിലക്ക് കമ്മ്യൂണിസ്റ്റ്‌ പാര്‍ട്ടി അഭിസംബോധനം ചെയ്തു സംസാരിക്കുന്നതും സംവദിക്കുന്നതും.
സമൂഹത്തിലെ പൌരന്‍ എന്ന നിലക്ക് വിശ്വാസികള്‍ക്കുള്ള എല്ലാ അവകാശങ്ങളും വിശ്വാസത്തോട് യോജിക്കാത്ത യുക്തിവാദികള്‍ക്കും ഉണ്ടാവണം എന്നതാണ് കമ്മ്യൂണിസ്റ്റ്‌കളുടെ നിലപാട്. അതാണ്‌ മതേതരത്വത്തിന്‍റെ യഥാര്‍ത്ഥ സത്ത. വിശ്വാസത്തിന്റെ നാമത്തില്‍ ഒരു പാട് അന്ധവിശ്വാസങ്ങളും അനാചാരങ്ങളും അസംബന്ധങ്ങളും നമ്മുടെ സമൂഹത്തില്‍ ഉണ്ട്. വിശ്വാസരംഗത്തെ ഇത്തരം ജീര്‍ണ്ണതകളെ ശുദ്ധീകരിക്കുവാന്‍ വിശ്വാസികള്‍ക്ക് മാത്രമേ സാധിക്കൂ. വിശ്വാസികളുടെ അകത്തളത്തില്‍ നിന്നുണ്ടാവുന്ന ഏതൊരു പുരോഗമനപരമായ സമീപനത്തെയും ശബ്ദത്തെയും കമ്മ്യൂണിസ്റ്റ്‌ പ്രസ്ഥാനം പിന്തുണക്കും. അതേസമയം ഏതൊക്കെയാണ് ശരിയായ വിശ്വാസം, ഏതൊക്കെയാണ് തെറ്റായ വിശ്വാസം എന്ന് വിശകലനം ചെയ്യുക എന്നത് കമ്മ്യൂണിസ്റ്റ്‌പാര്‍ട്ടികളുടെ ജോലിയല്ല. മനുഷ്യത്തത്തിനും മാനവിക മോചനത്തിനും അവന്റെ അവകാശ സമരങ്ങള്‍ക്കും എതിരായ പ്രതിലോമ നിലപാട് മതങ്ങള്‍ പരസ്യമായി സ്വീകരിക്കുമ്പോള്‍ കമ്മ്യൂണിസ്റ്റ്‌ പാര്‍ട്ടികള്‍ അതിനെ ശക്തമായി എതിര്‍ക്കുകയും ചെയ്യും. എന്നും എവിടെയും മതസമുദായ പ്രസ്ഥാനങ്ങലോടുള്ള കമ്മ്യൂണിസ്റ്റ്‌ പാര്‍ട്ടിയുടെ നിലപാട് പ്രശ്നാധിഷ്ഠിതമാന്.
വിശ്വാസികള്‍ മഹാഭൂരിപക്ഷം ഉള്ള സമൂഹത്തില്‍ അവരുടെ വിശ്വാസപരമായ അവകാശത്തിനെതിരെ നിലപാട് സ്വീകരിക്കുക എന്നത് അപ്രായോഗികം മാത്രമല്ല, അത്തരം നിലപാടുകള്‍ കമ്മ്യൂണിസ്റ്റ്‌ പാര്‍ട്ടിക്കെതിരായ ആയുധമായി എതിര്‍ശക്തികള്‍ ഉപയോഗിക്കുകയും ചെയ്യും. അറിവും വായനയും ശാസ്ത്രീയമായ സാമൂഹിക നിരീക്ഷണങ്ങളും ആണ് ഒരാള്‍ കമ്മ്യൂണിസ്റ്റ്‌ ദര്‍ശന ബോധത്തിലേക്ക് കൂടുമാറുന്നതിനു പ്രേരണയാവുന്നത്. കാര്യകാരണ ബന്ധിതമായ യുക്തിചിന്തയാണ് ഒരു കമ്മ്യൂണിസ്റ്റ്‌കാരന്‍ വെച്ച് പുലര്‍ത്തുന്നത്. അതിന്റെ വെളിച്ചത്തില്‍ ആണ് അവന്‍ സാമൂഹിക ജീവിത സമസ്യകളെ വിശകലനം ചെയ്യുന്നത്. സ്വന്തം അവകാശ സമര പോരാട്ടവുമായി ബന്ധപ്പെട്ടു കമ്മ്യൂണിസ്റ്റ്‌ പ്രസ്ഥാനത്തിലേക്ക്‌ കടന്നു വരുകയും അതിനു ശേഷം പതുക്കെ യുക്തിബോധത്തിലേക്ക് വളര്‍ന്നു വരുകയും ചെയ്തിട്ടുള്ള സഖാക്കളും ഉണ്ട്. മനുഷ്യന്‍റെ ജീവിതത്തെയും അവന്റെ ബോധത്തെയും മുന്നോട്ടു നയിക്കുക എന്നത് തന്നെയാണ് കമ്മ്യൂണിസ്റ്റ്‌ പ്രസ്ഥാനത്തിന്‍റെ ദൌത്യം. വിപ്ലവകരമായ ഏതൊരു പോരാട്ടത്തിനും ഉര്‍ജ്ജം പകരുന്നത് മനുഷ്യന്‍റെ വിപ്ലവകരമായ ബോധമാണ്.
No comments:
Post a Comment