അറിവിന്റെ വെളിച്ചവും യുക്തിചിന്തയുടെ സൂക്ഷ്മതയും അന്വേഷണത്വരയുള്ള സ്വതന്ത്ര മനസ്സും ....

മനസ്സിന് ആനന്ദം പകരുന്ന ഏത് സ്വപ്നവും സങ്കല്‍പ്പവും സന്ദര്യവും സംഗീതവും നൃത്തവും കലയും സാഹിത്യവും നദിയും പുഴയും കാടും മലയും പൂന്തോട്ടവും കടലും കായലും പൂക്കളും പറവകളും പക്ഷികളും മൃഗങ്ങളും രുചികരമായ ഭക്ഷണവും എല്ലാം എനിക്കിഷ്ടം ആണ്. ഇതൊക്കെ ആസ്വദിക്കുന്ന ഇഷ്ടപെടുന്ന ദൈവവും മനുഷ്യന്റെ നല്ലൊരു സങ്കല്‍പ്പമാണ്. സന്ദര്യ സങ്കല്പ്പങ്ങളുടെയും... സ്നേഹത്തിന്റെയും കാരുണ്യത്തിന്റെയും പ്രണയത്തിന്റെയും ശാന്തിയുടെയും സമാധാനത്തിന്റെയും ധര്‍മത്തിന്റെയും നീതിയുടെയും നന്മയുടെയും മൂര്‍ത്തിയായി ദൈവത്തെ സങ്കല്പ്പിക്കുന്നത് നല്ല ഭാവനയാണ് . പക്ഷെ നമ്മുടെ വിചാരങ്ങളും സ്വപ്നവും സങ്കല്‍പ്പവും ഭാവനയും എല്ലാം  യാഥാര്‍ത്ഥ്യം ആണ് എന്ന് സ്ഥാപിക്കുവാന്‍ പെടാപാട് പെടുന്നിടത്താണ് മനുഷ്യന്‍ അയുക്തിക ചിന്തകളുടെ ഉപാസകര്‍ ആവുന്നത്.

അറിവിന്റെ വെളിച്ചവും യുക്തിചിന്തയുടെ സൂക്ഷ്മതയും അന്വേഷണത്വരയുള്ള സ്വതന്ത്ര മനസ്സും ഉള്ളിടത്താണ് തുറന്ന ആശയസംവാദത്തിനു പ്രസക്തി ഉണ്ടാവുക. ഒരുവന് അയഥാര്‍ത്ഥ സങ്കല്പങ്ങള്‍ യഥാര്‍ത്ഥം ആണെന്ന് വിശ്വസിക്കുവാന്‍ ഇതിന്റെയൊന്നും ആവശ്യം ഇല്ല. എന്തും അന്ധമായി അനുകരിക്കുവാനും അനുസരിക്കുവാനും തയ്യാറുള്ള മാനസിക സന്നദ്ധത മാത്രം മതി!