മനുഷ്യന്‍ സാമൂഹിക ജീവിയാണ്. നാം സമൂഹത്തിന്റെ ഭാഗമാണ്. സമൂഹത്തില്‍ നമുക്ക്‌ അവകാശങ്ങളും ഉത്തരവാദിത്ത്വവും ഉണ്ട്. വര്‍ഗ്ഗ വൈരുദ്ധ്യങ്ങള്‍ ഉള്ള ഒരു സമൂഹത്തിലാണ് നാം ജീവിക്കുന്നത്. അത് കൊണ്ട് തന്നെ വിവിധ ലക്ഷ്യങ്ങളെ പ്രതിനിധാനം ചെയ്യുന്ന രാഷ്ട്രീയ പ്രസ്ഥാനങ്ങള്‍ സ്വാഭാവികം.
എല്ലാ രാഷ്ട്രീയ പ്രസ്ഥാനങ്ങളും ഒരു പോലെ പോക്കാണ് എന്ന് തള്ളി പറഞ്......ഞു സ്വന്തം സ്വകാര്യതയില്‍ ഒതുങ്ങുന്നത് ഒരുതരം അരാഷ്ട്രീയ നിരുത്തരവാദ നിലപാടാണ്. നാടിനു ശ്രേയസ്സും നാട്ടുകാര്‍ക്ക്‌ ക്ഷേമവും സമാധാനവും ഏകുന്ന രാഷ്ട്രീയ ദര്‍ശനം ഏത്‌ എന്ന് തെരഞ്ഞെടുക്കുക എന്നത് സാമൂഹ്യ പ്രതിബദ്ധതയുള്ള ഓരോ പൌരന്റെയും ഉത്തരവാദിത്ത്വം ആണ്.
നമ്മള്‍ മനുഷ്യര്‍ ആണ്. വിശ്വാസികള്‍ പൂര്‍ണ്ണത ആരോപിക്കുന്ന ദൈവങ്ങള്‍ അല്ല . തെറ്റുകളും പിഴവുകളും ഉണ്ടാവും. നല്ല പ്രസ്ഥാനത്തിന്റെ ഭാഗമാവുമ്പോള്‍ അത് തിരുത്താനുള്ള പ്രേരണയും പ്രചോദനവും അവനില്‍ ഉണ്ടാകുന്നു.
ജാനധിപത്യം പൂര്‍ന്നമാവുന്നത്, തിരിച്ചറിവിന്റെ ആത്മബോധം നേടിയ പൊതുസമൂഹം ജനാധിപത്യ പ്രക്രിയയില്‍ അര്‍ത്ഥപൂര്‍ണ്ണമായ പങ്കാളിത്തം വഹിക്കുമ്പോള്‍ ആണ്. കെട്ടവ്യവസ്ഥിതിയുടെ അകകാമ്പ് നല്ലപോലെ മനസ്സിലാക്കുവാന്‍ സാധിച്ച വ്യക്തികള്‍ക്കും പ്രസ്ഥാനങ്ങള്‍ക്കും മാതമേ അത് തിരുത്തി ജനപക്ഷ നിലപാട് സ്വീകരിക്കുന്ന നല്ല രാഷ്ട്രീയത്തിന് വേണ്ടി സമരം ചെയ്യുവാന്‍ സാധിക്കുകയുളൂ.
പലപ്പോയും അരാഷ്ട്രീയജനവിഭാഗത്തിന്റെ ധാര്‍മിക രോഷങ്ങള്‍ "കാട് കാണാതെ മരം കാണുന്ന" ഏര്‍പ്പാടാണ്. അവര്‍ക്ക് എല്ലാം ഒറ്റ വാചകത്തില്‍ ചോദ്യവും ഉത്തരവും ആയി കാണുന്നതെ ശീലമുള്ളൂ. അരാഷ്ട്രീയം അന്തിമ ഫലത്തില്‍ പ്രതിലോമപക്ഷത്തിന് ഗുണം ചെയ്യുന്നു. അത് കൊണ്ടാണ് നിലനില്‍ക്കുന്ന കെട്ടവ്യവസ്തിയുടെ മൂട്താങ്ങികള്‍ ആയ മാധ്യമങ്ങളും മറ്റും ആരാഷ്ട്രീയതയെ പ്രോത്സാഹിപ്പിക്കുന്നത്.
No comments:
Post a Comment