സമരനിര്‍ഭരം ആയ ഇന്നത്തെ ലോകം, വിമോചനത്തിന്റെ പുതിയ പ്രഭാതത്തിലേക്ക് നാളെ ഉണരും.
മുതലാളിത്ത സമ്പദ്ഘടന ശക്തമായി നിലകൊള്ളുന്ന ഇന്നത്തെ ആഗോള സാഹചര്യത്തില്‍ സ്വകാര്യ മേഖല ഉല്‍പാദന വിതരണ മേഖലകളില്‍ കടന്നു വരുന്നത് പൂര്‍ണ്ണമായും തടയുക എന്നത് രാഷ്ട്രങ്ങള്‍ തമ്മിലുള്ള പരസ്പര ആശ്രയം അനിവാര്യം ആയിട്ടുള്ള ഒരു രാജ്യത്തും പ്രായോഗികം അല്ല. പക്ഷെ സമൂഹത്തിലെ ന്യൂനപക്ഷം വരുന്ന സമ്പന്ന കുത്തകവര്‍ഗ്ഗത്തിന്റെ ലാഭാ താല്പര്യങ്ങള്‍ക്ക് മുകളില്‍ മഹാഭൂരിപക്ഷം വരുന്ന ജനതയുടെ അന്തസ്സും അവകാശവും ഉറപ്പുവരുത്തുന്ന സാമൂഹിക നീതിയുടെ നിയന്ത്രണം സാമ്പത്തിക നയത്തില്‍ ഉണ്ടായിരിക്കണം.
കറയറ്റ സോഷ്യലിസ്റ്റ് വ്യവസ്ഥിതിയുള്ള ഒരു രാഷ്ട്രവും ലോകത്ത് ഇന്നുവരെ സ്ഥാപിതം ആയിട്ടില്ല. ആ ലക്ഷ്യത്തിനു വേണ്ടി നിലകൊള്ളുന്ന സോഷ്യലിസ്റ്റ് പാര്‍ട്ടികല്‍ ഭരിക്കുന്ന രാഷ്ട്രങ്ങള്‍ ഉണ്ട്. ആഗോള തലത്തില്‍ ആശയപരമായും ഘടനാപരമായും മുതലാളിത്തം ദുര്‍ബലപ്പെടുന്നതുവരെ സന്ധി കൂടാതെ സോഷ്യലിസ്റ്റ് രാജ്യങ്ങള്‍ക്ക് നിലനില്‍ക്കുക പ്രയാസം ആണ്.
അതിഗുരുതരമായ പ്രതിസന്ധിയിലൂടെയാണ് മുതലാളിത്ത്വം കടന്നു പോയികൊണ്ടിരിക്കുന്നത്. സമരനിര്‍ഭരം ആയ ഇന്നത്തെ ലോകം, ദുരിതജീവിതം നയിക്കുന്ന ജനതയുടെ വിമോചനത്തിന്റെ പുതിയ പ്രഭാതത്തിലേക്ക് നാളെ ഉണരും എന്ന ശുഭ പ്രതീക്ഷയാണ് നമുക്ക്‌ ഉണ്ടാവേണ്ടത്.
No comments:
Post a Comment